على حافة الهاوية ولاء عمر -2

علشان ما ازعلكيش.
لاء خۏفت أنا كدا
إتملي بقولك وخليكي في حالك وخلي مناخيرك مكانها بدال ما أنت حاشراها في حياتي كدا إيه دا!!
أسبوع التاني وهي زائدة عن حدها ومعرفاش أوقفها هي وشلتها من ناحية وكلام ماما من ناحية وشيرين اللي طالعة تتكلم عليا وإنها هي اللي خلت الشركة تتخلى عني هي ونهلة واللي لما واجهتهم قالوا إن هما اللي أحق.
يا الله يا الله حاسة وكإن كل حاجة مطربقة على دماغي وكالعادة صليت وقعدت أسمع بودكاست وساعتها أنا اللي اختارت الحلقة وحسيت عنوانها معبر عن اللي بيحصل ليا الفترة دي ما بعد التوبة. دا كان عنوان الحلقة.
بدأ الشخص صاحب البودكاست يتكلم واللي بالمناسبة عرفت من حمد قبل ما يسافر إن الشخص دا اسمه يوسف وإن حمد على معرفة وصداقة بيه المهم خلينا نبدأ الحلقة.
بسم الله والصلاة والسلام على رسول أما بعد رب اشرح لي صدري ويسر لي امري وتحلل عقدة من لساني يفقه قولي في البداية حابب أقول إن الإنسان أول ما بيبدأ يتوب ويعزم على الأمر من هنا بتبدأ حياته الجديدة واختباراته الجديدة..
ولاء_عمر
على_حافة_الهاوية
الفصل_الرابع_عشر
تيتا عملت الكيكة.
جهزي طيب العصير باباكي جاي هو ومراته.
تيتا صدقيني وجوده تقيل على قلبي هو مدورش عليا وبدأ مصلحته وحياته هو وهي عليا.
إزاي هو كأب قدر يتخلى عن بنته بعد مۏت مراته إزاي هونت عليه إزاي قلبه طاوعه إني أتربى وأكبر بعيد عن عينه بحس إني لو مكانه مكانش هيهون عليا إن حتة مني تكبر وتنجح بعيد عن عيني.
ردت تيتا بهدوء ورزانة متزعليش منه يا حبيبتي الدنيا مشاغل وتلاهي.
عنيا دمعت ورديت عليها وأنا خلاص على مشارف إني أعيط لدرجة إنها تلهية وتشغله عني! تيتا أنا بخاف وقت ما أكون أم أنسى أولادي تحصل حاجة وتلهيني عنهم كدا لما بشوف صوره مع أخواتي بقعد أعيط أدد إيه هما قريبين منه أدد إيه حنين عليهم أنا كمان كان من حقي أحس بكدا.
يا حبيبة عيوني متزعليش منه علشان خاطري.
وأنا وخاطري يا تيتا
طيب أوضح لك حاجة.
أتفضلي.
يا حبيبتي المسافة من هنا لحد المنطقة اللي هو ساكن فيها بعيدة وفي المناسبات هو مبينساكيش والله يمكن علشان المسافة بعيدة جربي تقربي منه متضيعيش وقتك أنا وجدك خلاص مبقاش في العمر قد اللي راح يا حبيبتي.
جريت عليها وحضنتها وأنا بتكلم بلهفة ربنا يطول في عمرك أنت وجدو أنا ما أقدرش أتخيل حياتي من غيركم.
طبطبت عليا وهي بتقولي يا حبيبتي لكل أجل كتاب.
سمعت صوت رنة الجرس كنت عارفه إن دا بابا قبل ما أطلع تيتا طبطبت على إيدي وقالت لي جربي المرة دي تركني الحزن على جنب قربي تقربي صدقيني هتلاقي إن كل الحزن دا عبارة عن كلكيعة عملها عقلك وصورهالك علشان الواحد لما بيتساب لدماغه بيتعب جربي تشوفيهم بنظرة ريمان المتفائلة اللي مليانة إيجابية.
قررت أعمل زي ما قالت فتحت الباب كان بابا ومراته وإدريس أخويا وورد اختي سلمت عليهم بدأت ألاحظ وأخد باللي منهم وأنا قاعدة معاهم بصيت عليهم قبل ما أقرب من بابا وأنا اللي احضنه حاوطتي بإيديه حسيت بالأمان والدفا اللي بسمع عنهم من تيتا حسيتني قوية بيه واضح إني كنت غافلة عن حاجات كتير فايتاني.
حبيبة بابا وحشتيني اوي المرة دي هتيجي تقعدي معانا شوية علشان أنت وحشانا خالص.
ردت طنط نرجس مرات بابا فعلا يا ريمان أنا نفسي تيجي تقعدي معانا وأهو تأخدي علينا وعلى أخواتك وكمان العيلة كلها و والله أنت بالنسبة لي بنتي اللي مخلفتهاش.
أتكلم المرة دي إدريس وأنا بقى هستغلك هخليكي تعمليلي كيكة علشان بصراحة مفيش كيكة زي بتاعتك حتى بتاعة الحاجة أمي الصراحة الصراحة يعني.
ضحكنا كلنا على آخر جملة واتكلمت ورد وأنا بقى هخليكي تشاركيني في الاوضة لأني زهقت من النوم لوحدي.
في وسط كل دا تيتا كانت بتبص لي وبتأكد لي كلامها وإن أنا كان لازم من بدري أخد باللي من إني كنت ظلماهم وإن فعلا يمكن وجودي بينهم يزيد من علاقتي معاهم وأخيرا بعد مرات ومرات من إني ما اندمجمش معاهم اندمجت كان اليوم يستاهل إنه يبقى يوم جميل وبعد زن كتير منهم وفضول كبير مني إني أجرب بعد تشجيع تيتا أنا روحت.
كنا طول الطريق بنتكلم مع بعض وبنهزر حسيت فعلا بالدفا.
أدي ياستي اوضتنا آه ماهي خلاص بقت بتاعتي أنا وأنت أصلا الحاج مجهز سريرك من زمان ومستنيكي وماما بقى كانت مستنياكي هي كمان.
حقيقي تسلميلي يا ورد .
إحنا أخوات صح 
أيوا.
يبقى مفيش شكر.
في يوم كان تجمع العيلة.
ريمان يا ريمان يلا البسي الإسدال كلهم برا.
كلهم مين يارود 
عمك ومرات عمك ومعاهم عمار ابن عمك كمان الله الوكيل هو لهطة جشطة.
اتعدلت وقعدت خپطها على دراعها إتلمي يا زفتة أنت المفروض تتكسفي دا أكبر منك.
ضحكت المستفزة ومع الأسف ضحكت معاها هي أول حد في البيت أخد عليه في وسط ما أنا قاعدة رن الموبايل كان جدو رديت عليه بحماس 
جدو حبيبي اللي واحشني.
يا بكاشة دا أنت مبقالكيش مدة ونسيتينا.
أبدا والله بس البت ورد مش سيباني في حالي.
ردت عليا تيتا المرة أنا عارفة يا حبيبتي إنك خاېفه ومتوترة بس قربي منهم قربتي من ورد قربي من باقي العيلة خليكي المرة دي أقوى من خۏفك وإقعدي معاهم.
حاضر.
خلصت مع تيتا ولبست الإسدال سلمت عليهم أو صبحت عليهم بمعنى اوضح كنت متوترة وخاېفة جوايا رهبة أخدت نفس عميق وقررت أعمل زي ما تيتا قالت واجرب اتفاعل معاهم.
عاملة إيه يا ريمان 
الحمد لله يا مرات عمي .
رجوعك نورنا كلنا.
قضينا القعدة التوتر زال واختفى حبتين لما انسجمت معاهم هو ما اختفاش أوي بس أهو بنحاول أخدت باللي من عمار ابن عمي ياه هو الإنسان ابن عمه عسل كدا أدد إيه الإنسان مبيركزش غير بعد مرور وقت طويل لاء البت ورد كان معاها حق.
بتدرسي إيه ياريمان.
حقوق يا عمي.
حلو بقى أنت كدا تمسكي المكتب بتاعي مع عمار.
ضحكت مرات عمي وقالت حلو يا بت عايزاكي تمسكي قضايا الخلع وتخليكي مع المرأة.
عيوني.
ضحكنا كلنا على الجملة دي وإتكلم عمار أيوا أنا أبقى في قضايا مهمة وهي بتفرق الروس اللي اتجمعت في الحلال.
القعدة معاهم طلعت دافية وحلوة أي نعم كنت متوترة وخاېفة بس تدريجي بدأت أخد عليهم وأحب الجو العائلي.
عدي يوم والتاني وأنا فعلا عرفت إني كنت محتاجة أقرب منهم وإني كان لازم أفهمهم وإني لو كنت قربت من بدري مكنتش هخسر حاجة بل بالعكس قربي منهم داوى كتير جوايا.
إدريس عملت لك الكيكة.
معروفة يعني أي حاجة ريمان بتعملها بتكون حلوة تشبهها .
حبيب عينيا والله.
أخويا اللي ليا.
أنا أختك.
عادي عادي كله واحد.
...........
ريمان.
نعم يا بابا.
كنتي وحشاني.
أنا آسفة يا بابا.
على إيه 
إني كنت ظالماكم.
كنتي شايفه من بعيد