شيفروليه الغرام بقلم زهرة الربيع

دي ورشة ابويا هو تعب وانا استلمت بدالو اصل انا معنديش اخوات صبيان
زين ابتسم وبص لحماده بطرف عينه وقال وده ايه حكايتو معاكي 
تهاني قالت ما انا قولتلك ده ابن خالتي
زين قال ابن خالتك وبس ولا 
تهاني استغربت وقالت لا ابن خالتي بالكاتشب اه طبعا بس فيه ايه
زين ابتسم وقال بس شكلو بيحبك
تهاني ضحكت من قلبها وقالت حماده ده اخويا يا ابني فيه ايه فكرتني بامي هي بتقول زيك كده انتو الاتنين شكاكين قوي
زين ابتسم بسخريه وقال انتي بس الي دماغك بيضه حبتين على العموم هو مش بطال على الاقل قريبك
تهاني قالت حماده فيه ايه هتكسر ايدي سبني يلا مالك
تهاني قالت بضيق فيها ايه يعني على فكره زين انسان كويس هو بس باين انو ظروفه مكانتش احسن حاجه و
حماده قال پغضب ده حرامي عارفه يعني ايه حرامي
تهاني قالت بضحك عارفه يعني واحد مبيشلش هم الفلوس ديما جيبه مليان
بقلم زهرة الربيع
تهاني اتسعت عنيها بزهول ومبقتش قادره تنطق ولا حرف حاولت تجمع كلامها وقالت احم حماده انا انا مش بفكر فيك بالطريقه دي وانت عارف انا انااسفه بس بس انا
مش بشوفك اكتر من اخ او صديق و
حماده قاطعها وقال بدموع خلاص يا تهاني احم ردك وصل
تهاني بصتلو بدموع وقالت كان معاك حق
زين فهم معنى كلامها واتنهد وقال احم مفيش داعي يقلق مني انا انا انسان حياتي بايظه من كل ناحيه خليه مطمن اني مش خطړ عليكي ولا على علاقتكم عن ازنك
زين قال كده ومشي وتهاني فضلت واقفه مكانها مش عارفه تتصرف ازاي
عند زين كان قاعد في حته بعيده عن الناس وتهاني راحت قعدت جمبو وقالت بابتسامه مشيت ليه
زين اتنهد وقال يا ريت تمشي يا تهاني حماده فاهمنا غلط و
تهاني قاطعتو
وقالت لا على فكره حماده فاهمنا صح وصح جدا كمان
زين بصلها بدهشه وتهاني قالت سلم الشنطه
الي معاك دي يا زين وانا هستناك تقضي مدتك بلاش تضيع عمرك
زين ابتسم بفرحه من معني كلامها انها بتحبو قال متقلقيش يا تهاني انا مش هاخد مده اصلا انا مش حرامي
تهاني اتفاجأت وقالت ايه يعني ايه الكلام ده
زين قال بتوتر اهدى يا صفوت الناس الي هنا دي ملهاش ذمب و
صفوت مستناش يسمعو وقتل واحد كمان وقال قولتلك الشنطه فين
زين اتوتر جدا وقال مش معايا حاجه انت فاهم غلط و
تهاني بصتاو بدموع وزين خاف جدا عليها وقال طيب طيب هجبها هجبها والله بس بس سبها تمام
زين بصلها پصدمه وتهاني اتفاجئت جدا وقالت انا
الشرطه لسه هيطلعو بزين جيه راجل في الخمسين وقال استنو سيبوه
زين ابتسم بفرحه والظباط ضربولو تحيه وقالو حضرة اللوا حمد الله على السلامه
زين اتقدم عليه وقال انت كنت فين انا كنت هروح في داهيه
اللوا ابتسم وقال انا برضو كنت هسيك يا زين سامحني معرفتش اتواصل معاك الفتره الي فاتت عملت حاډث وخرجت من المستشفي لما اعرفت بالبلاغ الي اتقدم
زين قال الحمد لله على كده الشنطه معاكم دلوقتي حاجه تانيه
اللوا قال لا كده تمام لولا تعاونك معانا مكناش هنقدر نرجع الالماس ولا نقبض على العصابه وانا زي ما وعدتك هتبقالك نسبه كويسه تبدأ بيها حياتك وبلاش شغل الخزن ده تاني
زين ضحك وقال لا خلاص توبه يا باشا
الضباط مشيو وزين بص لتهاني بلوم ومشي من غير ما يكلمها
تهاني جريت وراه وقالت زين زين والله ما ليه اي دخل انا والله ما بلغت
زين وقف وبصلها قال حتى لو بلغتي يا تهاني حقك
من حقك تخافي على نفسك كده كل حاجه بقت تمام انتي تقدري ترجعي لبيتك وشغلك عن اذنك
زين بعد ايده عنها وبص لحماده وابتسم وقال فيه الي اولي مني بيكي وحياتك معاه اكيد هتبقى احسن اشوفك على خير يا تهاني خلي بالك من نفسك
زين قال كده ومشي وتهاني بقت تبصلو بدموع وقعدت على الارض وبقت تبكي
حماده اتأثر جدا بدموعها وقرب منها قومها ومشي بيها
ومرت الايام كانت تهاني حزينه جدا حاولت توصل لزين كتير ومعرفتش وفي يوم كانت بتشتغل زي العاده وقالت تمام يا باشا سيب العربيه عندك هخلص الي في ايدي واشوفهالك
رد بسرعه وقال لاوانبي انا مستعجل جدا يا معلم
تهاني اټصدمت لما سمعت صوتو وبصتلو بسرعه ولهفه مكانتش مصدقه انو قدامها بعد كل المده الي فاتت بتحاول توصلو ومش عارفه قالت بفرحه زين
زين ابتسم وقال وحشتيني يا تونه
تهاني ابتسمت بفرحه وقالت انت كنت فين انا قلبت عليك الدنيا
زين قال كنت بفتح مشروعي الجديد عملت مطعم حكايه سميتو مطعم تهاني للمحشي والضاني ايه رأيك
تهاني ضحكت وقالت يبقى اكل فيه ببلاش بقى علشان اعملك دعايا
زين ضحك وقال اكيد هتاكلي فيه وهتشتغلي معايا فيه اهيه حاجه على قدنا نبتدي بيها حياتنا
تهاني قالت حياتنا
زين ابتسم وقال امم حياتنا اصل انا اكتشفت اني مش هعرف اعيش من غير صداعك ورغيك فقولت اكسب فيكي ثواب واجي اتقدملك
تهاني قالت بفرحه قول والمصحف
زيم ضحك وقال من غير حلف بس علشان لو حبيت اخلع
تهاني قلت لا المرادي لو جيت
تخلع هخلعلك اسنانك والله يا زين مش انا الي بلغت و
زين ابتسم وقاطعها وقال عارف انا ممشتش لاني فاكر انك بلغتي انا مشيت علشان ابتدي صح من غير ما امرمطك معايا لاني شايف ان حرام تتعبي تاني كان نفسي اخليكي اميره عندي وأول ما وقفت على رجليا جيتلك على طول
تهاني قالت يا سلام طب افرض كنت لقتني اتجوزت ولا اتخطبت 
زين ابتسم وقال بمرح لا ما انا ضامنك مين هيتقدملك غيري يعني
تهاني رفعت حاجبها بدهشه وزين ضحك وقال لا بجد انا كنت جايب قرارك من بعيد حماده كان بيحكيلي كل حاجه عنك وقلي انك رافضه اي حد غيري
تهاني قالت بزهول حماده
زين قال اه حماده حاسس بالذنب من ساعه
الي حصل لانو هو الي بلغ على فكره ولما طلبك للجواز وانتي رفضتي جيه وقلي قلي البت بټموت فيك ارحمها بقى هتتجنن علشان كده جيت
زين ابتسم وقال وعمري ما هبيعها العربيه دي هيه الي جمعتني معاكي
تهاني ابتسمت وقالت معاك حق كانت اجمل عربيه صلحتها علشان جمعتنا سو اجمل شيفروليه شيفروليه الغرام
تمت بحمد الله 
كنتم مع شيفروليه الغرام بقلم زهرة الربيع زهرتكم تحيكم ودمتم في امان الله مع من تحبون