على حافة الهاوية ولاء عمر -1

من دماغي اللي فهمته أنا رافضة أتقبل ولا استوعب قصدها.
هما... هما ماتوا يا ماما صح
إهدي علشان خاطري.
أهدأ إزاي أنا اللي أصريت عليهم نيجي لو مكنتش أصريت عليهم مكانش زمان حصل كل دا ورواشد ونهلة يا ماما دا فرحهم كان متحدد دا فرحهم كان هيبقى كمان كام شهر دول جهزوا الشقة دي مش ناقصها غير حاجات بسيطة يعني أنا حرمت نهلة وراشد من بعض العمر كله!!! يعني أنا السبب!!!
كنت اڼهارت فكرة اختفاء التلاتة مرة واحدة وإصابات نهلة وشيرين بسببي مش عارفة أستوعبها فكرة إن أنا اللي أصريت وأنا اللي ضغطت يعني أنا السبب يعني اللي ماټ كنت أنا السبب واللي إتكسر كنت أنا برضوا السبب لكني مش قادرة أتعدل من مكاني من ۏجع جسمي.
جات الممرضة وإدتتي المهدئ غمضت عيني وإنهارت قوتي..
بالليل كنت فوقت كنت قاعدة مڼهارة ومش قادرة لا أوقف بكاء ولا تأنيب ضمير من فكرة إن أنا السبب وإن لو مكنتش أنا عملت كدا مكنش زمانهم ماتوامكانش زماني متكسرة كدا ولا كان زماني كاسرة فرحة نهلة.
قضيت الليلة وأنا بإن من كتر ما أنا حاسة إن جسمي متكسر لا أنا عارفة أعيط من ۏجعي ولا من إحساس إني السبب وإني لو مكنتش خليتهم هما قعدوا وجيت لوحدي.
تاني يوم أصريت على ماما إني عايزة أشوف البنات ساعتها أخويا كان موجود وشالني وحطني على كرسي بعجل وخدني أول حاجة عند شيرين أنا اللي طلبت كدا وليه معرفش!!
أول ما لمحتني قعدت تزعق إطلعي برا انت السبب لو مكنتيش أصريتي إننا نروح مكانش هيحصل كل دا أنا بسببك وشي آثار الچروح معلمة فيه وفي رأسي وبسببك رجلي ركبت فيها شرايح ومسامير إطلعي يلا.
ساعتها حمد أخويا كان هيزعق ليها ردا على كلامها لكني مسكت إيده وخليته يبص لي حمد طلعني من هنا وبالله ما ترد عليها.
أول ما طلعنا من الأوضة ساعتها أنا إنهارت مقدرتش أتماسك أنا السبب أنا هعيش بذنبهم العمر كله.
طبطب عليا وهو بيقول يا حبيبتي دا قضاء وقدر يعني متقدريش تغيري فيه حاجة..
كنت عمالة أعيط ومش قادرة أطلع لا كلامها ولا تأنيب الضمير من دماغي لكني خدت منه المنديل ومسحت دموعي وقولتله خدني عند نهلة.
وداني فعلا عندها دخلت ليها وأنا بعيط جامد كانت نايمة على ضهرها ودراعها هي كمان متجبس كانت بتبصلي بكل هدوء ساعتها رفعت عيني للدكتورة اللي كانت بتكشف عليها وسألتها ردت عليا بكل عملية
ضهرها فيه چروح كتير نتيجة إن في إزاز وقطع تانية دخلت فيه وإحتجنا نطهره إضافة لچروح إيديها والكسر.
ش شكرا يا دكتورة.
بصيت لنهلة وأنا عمالة اتأسف أنا آسفة علشان خاطري أنا آسفة لو مكنتش أصريت إني أمشي مكانش حصل كدا دا.
الدموع كانت بتنزل من عينيها وهي ساكتة ومش بتتكلم..
ولاء_عمر
على_حافة_الهاوية
الفصل_الرابع
الفصل الخامس
بصيت لنهلة وأنا عمالة اتأسف أنا آسفة علشان خاطري أنا آسفة لو مكنتش أصريت إني أمشي مكانش حصل كدا دا.
الدموع كانت بتنزل من عينيها وهي ساكتة ومش بتتكلم صعبان عليا صمتها سكوتها أنا ما إتعودتش عليها كدا اتعودت الاقيها بتضحك وتهزر معايا وتنكشني بصيت ل حمد أخويا _ حمد مش أحمد _ ففهم إني عايزة أطلع وبالفعل طلعني.
قعدني على السرير ومشي على شغله وكذلك الأمر ماما راحت معاه قالوا علشان إجتماع مهم بصيت على اللاشيء وقعدت ساكتة أيوا مش بتكلم بس جوايا پيصرخ لو مكنتش إقترحت عليهم فكرة السفر! لو مكنتش أصريت عليهم إننا نروح! لو لو كتير من لو بس أنا مش قادرة ولا هقدر أرجع بالزمن.
حمد كان بيغيب وييجي يطمن عليا عدا أسبوع وأنا بحاول مع نهلة وشيرين نهلة متجنباني ومتجنبة الرد عليا وشيرين قاعدة تقطم فيا بالكلام وأنا كل مرة بروح لواحدة منهم بتكسر أكتر بس صعبان عليا فكرة إن أنا السبب.
أنا قولت مش هتروحي لهم تاني ويلا كدا علشان الدكتور كتب لك على خروج أصلا.
روحت البيت وأخيرا راجعة لأوضتي لكن لا أنا أنا ولا إحساسي وأنا ماشية وسيباها هو نفسه وأنا راجعاها الدنيا دي غريبة كفيلة تشقلب حياة الإنسان في أقل من ثانية.
قعدت على سريري و بعدها جات الممرضة اللي جات مرافقة معايا علشان تساعدني حتى طرحتي مش عارفه افكها لنفسي!!
دخل بابا وجدي بعدها.
بابا معلش يا حبيبتي كان عندي شغل مهم.
من امتى وأنا أهم من الشغل بالنسبة ليك أنت وماما حتى حمد بدأ يبقى نسخة منكم يعني حضرتك تسمع بخبر الحاډثة وماتجيش
اتنهدت وأنا بمنع نفسي اقول الكلام اللي في دماغي وبعدها إبتسمت وقولت له ولا يهم حضرتك يا بابا.
بعدها إتكلم جدي يعني إيه إحنا منعرفش غير من واد عمها بعدها بأسبوع إيه قتلتنا بالحيا
يا أبوي والله كنت في شغل ولسة راجع النهاردة.
شغل! وشغل إيه اللي يأخدك من عيالك ومايخليكش تيجي تشوف بنتك ولا تجري عليها مستني تسمغ خبري أنا وأمك يعني عشان ساعتها تسيب اللي في إيدك ولا يمكن ساعتها تقول معلش أخلص الشغل الاول!!!!
سكت بابا وحط وشه في الأرض وإتأسف له لكن جدي كمل يعني إيه تسيب بتك تسافر لوحدها مع أصحابها لاء وايه فيهم شباب إيه يا راجل سيبت الصعيد ونسيت 
رباية الصعيد.
كمل بزعيق ما أنتو مش مسؤولين لو كنتوا كبار بجد وواعين مكنتوش هتوافقوا بحاجة زي دي بس هقول إيه ! أنت مخفتش عليها لأحسن حد من الشباب اللي معاها يإذيها ولا بيص لها بثة كدا ولا كدا أنت ضامن
ساعتها دموعي نزلت أنا فعلا لو كنت خدت باللي من حاجة زي دي كان هيحصل إيه طيب لو كان حد نصحني تفتكروا مكانش هيحصل كل دا أكيد.
سايبها تطلع بالبس آخرها تبقى بيه في البيت إيه يا ولدي مابتغيرش على عرضك خالص!!!! إيه ماټ.
دي حرية شخصية يا أبوي.
حرية! حرية مين يا أبو حرية وهو دينك قالك كدا قالت تبقى ديو ث قالك تسيب بتك تصور كل حاجة في حياتها أنت ليه مواعيش ولا مدرك للي أنت فيه يا أخي ربنا يهديك.
اطمن عليا ومشي مرضيش يستنى للحظة بسبب إعتراض بابا على كلامه بس أنا جوايا أتنين واحدة انجذبت وعندها فضول تعرف معنى كلام جدي وشخصية وجانب مقتنعين بإنه أوڤر وإن دة العادي ودا المنتشر لكني افتكرت كلامه.
بيعدي يوم والتاني وأنا بعيدة عن السوشيال ميديا ومش بفتح وبعيدة ومخفية
ولاء_عمر
على_حافة_الهاوية
الفصل_الخامس
الفصل السادس
إطمن عليا ومشي مرضيش يستنى لحظة بسبب إعتراض بابا على كلامه بس أنا جوايا إتنين واحدة انجذبت وعندها فضول تعرف معنى كلام جدي وشخصية وجانب مقتنعين بإنه أوڤر وإن دة العادي ودا المنتشر لكني افتكرت كلامه.
بيعدي يوم والتاني وأنا بعيدة عن السوشيال ميديا ومش بفتح وبعيدة ومخفية لحد ما فتحت ورجعت بس مكنتش نزلت ولا فيديو جالي notification إن شيرين نزلت فيديو دخلت أشوفه لقيتها بتهاجمني وبتقول إن أنا السبب كمان لمحت للي عمله شهاب رنيت عليها مكانتش بترد فضلت أرن كذا مرة عليها وهي مطنشاني ومش راضية