اشجان

وانا
عندي 25سنه
ابتسمت وانا بقوله عندنا حاجات مشتركه أهو احنا الاتنين معندناش أهل بس الفرق انهم عندك ماټو وانت كبير وشبعان منهم أما أنا ماټو وأنا عندي 6سنين.
ايوا ماټو أنا أصلا اعتبرت ابويا ماټ من يوم ما بقا سايب مراته تتحكم فيه وتزلني وكأني خدامه أصل أنا مش سندريلا ولا ليلى مرات الاب ولا حتي علاء كان الامير اللي هينقذني منهم..
ابتسم وقالي عايزك تنسي كل حاجه يا أشجان وكمان أنا هدورلك على شغل وهعلمك وهقف جنبك في كل حاجه وبس تقفي على رجلك وهن.....
يتبع رواية_أشجان.
تفتكرو عامر هيعمل أي في أشجان وحياتها هتبتدي تحلو
البارت_السادس.
رواية_أشجان.
وقاليعايزك تنسي كل حاجه يا أشجان وكمان انا هدورلك على شغل وهعلمك وهقف جنبك في كل حاجه وبس تقفي على رجلك وهتنطلق لان انتي بالنسبالي طفله انا بس حبيت يكون في بينا رابط شرعي علشان ميكونش في حرمنيه وانتي معايا في بيت واحد.
قام وهو بيشاور على الأوضه اللي جنب الحمام دي بتاعتك وانا اوضتي فيها حمام وكمان عندك هدوم بيتي وكل اللي هتحتجيه وكمان خليكي براحتك انا زي جوزك بردو وضحك
مع اني مبحبوش أو حتي معجبه بيه بس اضايقت لما قال نطلق حسيت زي ما يكون بيقولي ونبعد ونتفارق واسيبك كلو نفس المعني لكن مش نفس الاحساس..
دخل اوضته وانا تلقائيا دخلت اوضتي فضلت ادور فيها كتير كان لونها بينك بناتي يعني وكانت حلوه وفيها عرايس ودباديب كتير واكتر حاجه عجبتني صور الكرتون اللي على الحيطه شكيت ساعتها انو كان متجوز ومطلق مراتو مېته بس نفضت ده كلو من دماغي وانا بقول وانتي مالك اتنفست جامد وقمت اترميت على السرير كان ناعم أووووووي ومريح ودقيقه وكنت فارقت العالم بس للاسف هرجعله تاني..
صحيت الصبح على صوت خبط الباب وصوت بيقول أشجان اټخضيت وبصيت جنبي في كل حتى بړعب وكل اللي في دماغي انا فين بس خلاص افتكرت مسحت وشي بإيدي وقمت فتحت الباب وسندت عليه وشعري وقع علي عيني وانا بقول مين
ضحك وهو بيشيل شعري وقلي انا.
اتكسفت ورجعت بعيد عنو شويه اتنحنح زي ما يكون اتحرج وقالي هستناكي نفطر سوا عايزك في موضوع هزيت راسي بمعنى حاضر وهو تلقائيا مشي قفلت الباب وانا بتاوب وبعدين روحت خرجت هدوم وكانت عباره عن بيجامه قطن حستها هتريحني خصوصا اني نمت بهدومي امبارح من كتر التعب خرجت من الاوضه للحمام علطول علشان هو قريب أووووي من الاوضه بعد ما رتبت نفسي وطبعا سرحت شعري المنكوش خرجت دخلت الريسبشن لقيتو واقف في المطبخ الامريكاني زي ما بيقولو كان نفسي دايما لما اتجوز يكون عندي واحد زيو قعدت على كرسي من اللي قدام المطبخ زي ما يكون قاعده في بار كده قدام الراجل طول عمري نفسي اعملها خصوصا اني ما عشتش الطفوله اللي تخليني امسك كبايه البيبسي اشرب منها وامشي اطوح على اساس انها خمره بصلي وهو مبتسم وقالي نمتي كويس
قلتلو وانا بمط جسمي ايوا وبسرعه قولتلو عامر انت عندك لاب توب لاني لمحتو فاتحه قدامه
ضحك وقالي أول مرة متقوليش يا دكتور
حسيت كأني مولوده من غير لسان من الاحراج
ضحك وقالي ايه يبنتي بهزر معاكي وراح جاب الاب وفتحه قدامي كنت مذهوله وقعدت العب فيه وهو شويه يضحك وشويه يتعصب اني بدخل في حاجات تخص شغله بس مزعقش كان بيتكلم براحه بس جيت عند كلمه وبدأت استهجاها براحه لقيتو بيقولي اشجان انتي مبتعرفيش .....
يتبع
تفاعلو علشان
أكمل
رواية_أشجان.
البارت الأخير من