اڼهيار
اللي باعتني ي ماما وبابا اللي بيضربني كل شويه مبقتش قادره
صابرين انا معاكي بس ارجعي
لقيت نبضي رجع تاني
الدكاتره كلهم ابتسموا وفرحوا ان نبضي رجع تاني وطلعوا طمنوا ماما وبابا
العمليه خلصت اه كان في تشوهات كتير ف جسمي بس انا لسه عايشه روحت العنايه وماما طلبت منهم تدخل تشوفني
ماما دخلت ومسكت ايدي وفضلت ټعيط فضلت تتأسفلي على حاجات هي ملهاش ذنب فيها
كنت لسه تعبانه ف الدكتور قال اني محتاجه افضل ف المستشفى تحت الملاحظه بس..... بس بابا رفض بابا رفض افضل ف المستشفى وقال انه هيوفرلي العنايه كامله ف البيت
لبسوني وخلاص هنخرج لقينا الصحافه مسكت ف ايد ماما جامد وانا قاعده ع الكرسي بتمنى اموت قبل م اوصل البيت خاېفه من اللي ممكن بابا يعمله بس لقيته ابتسملي واحد من الصحافه سمعنا ان بنت حضرتك اتعرضت ل حاډث امبارح الكلام دا صحيح
صحفي مختلف اي سبب الحاډث هل هي بتعاني من أمراض نفسيه
بابا بصلي وبعدين رد حاډث طبيعي لان الطريق كان بيتصلح ودا عيب الشركه وهنرفع قضيه
صحفي مختلف ه...
قاطعه بابا بعد اذنكوا البنت تعبانه
الحراس شالوهم من قدامنا وركبنا علشان نروح وكنت بتمنى اموت قبل م اوصل
بدأ بابا يتكلمانا قولت كام مره مش بحب الصحافه تعرف حاجه عننا
اتكلمت بصوت مهزوز انا انا اسفه
بابا اسفه على اي فضحتينا وعرتينا قدام الناس الخبر هيتنشر وكل الناس هتتكلم عن بنت محمد الألفي انت فضحتينا ف كل حته يعني اي السرعه معديه ال 200 كنتي عايزه ټنتحري
بابا انتي اي غلطتي مع مين علشان تبقي عايزه ټنتحري غلطتي مع مين انطقي
رديت پصدمه اي اللي بتقوله دا ي بابا انا عمري م حد لمسني حتى
بابا ااااه والمفروض أصدق الكلام اللي بتقوليه دا صح اول م السااعه تيجي 2 انا هتأكد انا دلعتك كتير اوي
بصتله وانا بعيط انت عمرك ف حياتك م دلعتني عمرك
وقرب مني وجابني من شعري وقعني من على الكرسي
رؤى بابا انا انا لسه تعبانه بالله كفايه ضړب
بابا انا هوريكي ازاي تغلطي وتحطي راسي ف الطين
رديت والله م حد لمسني والله
فضل يضرب فيا وانا مش حاسه بجسمي لحد م مبقتش شايفه اي حاجه..
يتبع...
_انهيار
ل Naglaa_Esmail
السادس
مكنتش حاسه بنفسي ولا ب الدنيا مش شايفه اي حاجه بس سامعه صوت ماما بټعيط
رد بابا بعصبيه وهو مش شايف اتصلي ب دكتور يجي هنا وع الله ع الله تقولي ان انا اللي ضړبتها والا هكون قاتلها
بعد نص الساعه الدكتور جيه
بعد شويه كشوفات وتركيزه على أماكن الكدمات بصلنا بصه غريبه وبعدين اتنهد
الدكتوربعد اذنكوا بنت حضرتك محتاجه تتحجز ف المستشفى
رد بابا وهو بيصطنع كعادته انا قادر اوفرلها الحمايه ف بيتنا قولي بس المطلوب
الدكتور قال كل حاجه انا محتاجاها وبصلي بصه اخيره انا وماما وهو ماشي وفجأه
وقع ف الارض الدكتور واعتذر
الدكتور اسف بس رجلي اتلوت
عن اذنكم
بصتله وانا عايزه افهم اي وقعه كدا معقول صعبت عليه من الصدمه وقع طب اشمعنا مش بصعب على بابا لي بيعمل فيا كدا
عدا اسبوع وانا بحاول افوق من اللي انا فيه
محدش جيه زارني رغم ان الاخبار كلها بتتكلم عني صاحبتي او اللي كانت صاحبتي شافت الاخبار ومهانش عليها تبصلي من الشباك رغم انها ساكنه ف الفيلا اللي جمبي
فضلت اعيط بس ساعتها اتأكدت ان مفيش حاجه اسمها أصحاب
قررت اروح جامعتي قومت لبست وكالعاده بداري كل حاجه بالمكياج وبلبس بكم
خدت مفتاح العربيه الجديده..
اه نسيت اقول ان بابا جابلي عربيه جديده علشان الناس متتكلمش عنه ويقولوا بنته مش معاها عربيه
العربيه كانت جديده وحلوه اوي وكانت أحدث موديل نزل كنت تقريبا اول واحده اجيب العربيه دي ركبتها وطبعا لابسه اسود
لبست بنطلون اسود مقطع من الركبه وتيشيرت اسود بكم قصير وكوتش ابيض
ركبت عربيتي ووصلت الجامعه
كل الانظار كانت عليا وعلى عربيتي وهدومي الجديدة مكنتش مستغربه
لقيت نور جاي عليا افتحي موبايلك كدا
بصتله بقرف وجيت امشي شدني من ايدي
سحبت ايدي بسرعه انت مچنون ولا اي اوعى تفكر تلمسني تاني
نور بصوت عالي افتحي موبايلك ي هانم انا مش جاي اضايقك انا بس جيت اقولك انك تستاهلي تكوني لوحدك
سابني ومشي معرفش لي عايزني افتح موبايلي
فتحت موبايلي ولقيت باعت فوق الالف رساله معقول هو بس اللي سأل عليا من يوم الحاډثه مش كفايه اللي اتسبب فيه
قفلت موبايلي تاني ودخلت الجامعه
شوفت ريما واقفه بتضحك مع اصحابها واول م شافتني ودت وشها بعيد
قررت معيطش دي حتى مسألتنيش انا بقيت كويسه ولا لا
مشيت ودخلت حضرت المحاضرات
وجيه وقت الاستراحه روحت الكافيه وطلبت قهوه
قعدت سرحت كتير ف كل حاجه
فجأه لقيت فهد قدامي
بصتله وسكتت
فهد عامله اي
رؤى__________
فهد انتي كويسه
رؤى__________
فهد انا عارف انك اكيد زعلانه علشان مسألتش عليكي الفتره اللي فاتت بس بجد
قاطعته اولا احنا مفيش بينا كلام علشان ازعل انك سألت او مسألتش
ثانيا مين سمحلك تيجي تقعد معايا على ترابيزه واحده والكافيه مليان أماكن فاضيه
فهد انا انا كنت فاكر
قاطعته تاني مش عايزه اعرف كنت فاكر اي انا يهمني انك تقوم تمشي لاني عايزه اشرب قهوتي واكمل المحاضرات
قام فهد وهو متضايق
بس دا حقي دا واحد مسألش عليا رغم انه شاف جاي دلوقتي يسأل اعمل بسؤاله اي اللي مكانش معايا وقت شدتي يغور بعدين
شربت القهوه وقومت اكمل المحاضرات كنت ماشيه بسرعه ف خبطت ف ريما
مبصتلهاش بس مشيت
اليوم خلص والمحاضرات خلصت
جيت اركب عربيتي لقيت ريما واقفه بتتصور قدامها وشافتني بصت بقرف
روحت عديت من جمبها كانت فكراني هتصور واتعايق زيها بس اټصدمت لما لقتني بفتح الباب وقعدت وبدأت ادور العربيه
فضلت بصالي مشيت وسبتها وقعدت افكر ازاي مكنتش شايفه وشها دا
طلعت ماديه ومقرفه كويس انها بانت على حقيقتها
وصلت البيت لقيت ماما جت حضنتني
فضلت شويه بعدين قالتلي ياللا اطلعي غيري هدومك
رديت لي في ضيوف
ماما اه ابوكي عازم اصحابه ف الشغل ف انا وانتي هنخرج نتعشى برا واهو نغير جو بصيت ل ماما وانا مبسوطه اوي وطلعت علشان اغير زي م ماما قالت
دخلت اوضتي ولسه بفتح النور
اټصدمت....
يتبع.
اڼهيار
ل Naglaa_Esmail
السابع
رؤى انت بتعمل اي هنا وازاي دخلت اصلا
رد بكل برود دخلت من الشباك
رديت عليه پصدمه انت جاي هنا لي عايز اي
رد انا دكتور احمد او خلينا نتكلم بصراحه انا درست كليتين ومتخرج منهم طب وشرطه
رديت ايوا عايز اي برضو
احمد بصراحه كدا انا لما شوفت نظره الخۏف ف عينك انتي ومامتك متطمنتش خالص وحسيت ان في حد بيعمل فيكي كدا وال حد دا مع الأسف والدك صح كدا
رديت ببرود ماشاءالله وبتعرف تحلل كمان وانت واقف
احمد انا جاي اساعدك علشان لو فعلا والدك اللي بيعمل كدا انقذك انتي ومامتك منه تقدري تقعدي وتحكيلي كل حاجه
رديت وانت بقا بتساعد الناس كلها من اوضه نومهم
احمد بصراحه لا معرفتش اوصلك غير كدا بس
